PRESENTACIÓN

Como ben sabedes, o día 1 de Abril, publicouse o último número da Revista de Adina. Foi un número especial, non só pola súa brevidade, senón pola finalidade que seguía: a despedida da directiva, e moi en concreto de Jorge García Caamaño.
A Asociación de Veciños de San Miguel de Adina, agradécelle o labor desenvolvido dende os inicios, coa posta en marcha dunha publicación inédita, nun ámbito tan reducido como o rural. Jorge, non só levou a cabo o traballo de redacción e elaboración da revista, senón que fixo de enlace entre as distintas asociacións, partidos políticos, organismos e institucións para que poidesen poñer conxuntamente as súas demandas por escrito.
Tras isto, a Asociación de Veciños de San Miguel de Adina, nombrou un novo equipo que poida manter a publicación da Revista de Adina e continuar na que será a redacción do próximo número de maio. Elisa Franco Torres, como directora, e Andrea Rey Prego como subdirectora, serán as encargadas da Revista, arropadas por Gerardo Fernández Otero e Casimiro Telmo Pérez, presidente e secretario da asociación respectivamente.
Comunicarvos tamén, que seguiremos esperando os vosos escritos e manifestacións como ata agora, pero nunha dirección de correo electrónico nova:
revistadadina@hotmail.com
A Revista de Adina, da un paso adiante incorporándose ás novas tecnoloxías. Para que as súas publicacións teñan presencia na rede. Tras cada novo número da Revista de Adina, os artigos aparecerán neste blog: http://www.revistadadina.blogspot.com/

Recibide un cordial saúdo da nova directiva da Revista de Adina.